ქართული მხარის მოთხოვნით, ვენეციის კომისია საკონსტიტუციო ცვლილებებთან დაკავშირებით ხვალ სტრასბურგში დაგეგმილ შეხვედრას ოპოზიციასთან აღარ გამართავს.
ვენეციის კომისიის მდივნის, თომას მარკერტის თქმით, შეხვედრის გადადების მიზეზი ქართული მხარის მიერ თბილისში მოლაპარაკებების გაგრძელებაა.
„შეხვედრა გადაიდო, რადგან ქართული მხარე თბილისში მოლაპარაკებას აგრძელებს. ინიციატორები ჩვენ არ ვყოფილვართ. რაც შეეხება ჯანი ბუკიკოს დასწრების საკითხს, მისი ყოფნა ხვალინდელ შეხვედრაზე არ განიხილებოდა. უცნობია, როდის გაიმართება შემდეგი შეხვედრა. ეს დამოკიდებულია მოლაპარაკებებზე თბილისში. თუ პარტიები მოილაპარაკებენ და გადაწყვეტილებას მიიღებენ, შეუძლიათ სტრასბურგში ჩამოვიდნენ,“ - განაცხადა ვენეციის კომისიის მდივანმა, თომას მარკერტიმ.
