,,ევროპული საქართველოს“ წევრი დავით ბაქრაძე მცოცავი ოკუპაციის შესახებ ხელისუფლების პასუხისმგებლობაზე საუბრობს. მისი თქმით, საერთაშორისო დოინეზე მხოლოდ უკრაინის საკითხზე საუბრობენ, რაც ხელისუფლების არასწორი პიოლიტიკის შედეგია.
„მოდით ვისაუბროთ ფაქტებით, ბოლო რამდენიმე თვეა უკვე, არსად, არც ერთი მაღალი დონის განცხადებაში არ ყოფილა საუბარი საქართველოს ოკუპაციაზე. აი ახლაც, ბოლო პერიოდში, ზედიზედ ჩვენ მოვისმინეთ ევროკავშირის პრეზიდენტის იუნკერის განცხადება, რომელმაც მკაფიოდ ილაპარაკა მხოლოდ აღმოსავლეთ უკრაინაზე და ყირიმზე. ჩვენ მოვისმინეთ პრეზიდენტ ტრამპის და მდივან, ტაილერსონის განცხადებები, რომლებმაც ასევე ისაუბრეს მხოლოდ აღმოსავლეთ უკრაინაზე და ყირიმზე. ჩვენ მოვისმინეთ ჰამბურგში, დიდ ოცეულზე გაკეთებული განცხადებები, სადაც ისევ საუბარი იყო მხოლოდ უკრაინაზე. აი ეს არის ფაქტები და ეს არის ხელისუფლების მუშაობის შედეგი. რაში გამოიხატება მათი მუშაობა, თუ ჩვენი ყველა უცხოელი, მაღალი დონის პარტნიორი საჯაროდ საუბრობს მხოლოდ უკრაინაზე და არავინ არ ახსენებს საქართველოს. ამიტომ, ეს ფაქტები ძალიან ნათლად აჩვენებს იმას, თუ ვინ ჭორაობს. ძალიან ნათლად აჩვენებს იმას, თუ ვისზეა პასუხისმგებლობა და ძალიან ნათლად აჩვენებს იმას, რომ მიუხედავად იმისა, რომ იმ ნაწილში, სადაც რუსეთთან უნდა იყოს დიალოგი და არ უნდა ავყვეთ პროვოკაციას, ამას, რა თქმა უნდა, ვეთანხმებით, მაგრამ მეორე ნაწილში, სადაც საუბრაია იმაზე, რომ საქართველომ არ უნდა დათმოს და პოლიტიკური საშუალებებით უნდა დაიცვას საკუთარი ინტერესი, აი ამ ნაწილში ჩვენ ხელისუფლებას რადიკალურად არ ვეთანხმებით და მიგვაჩნია, რომ ხელისუფლება, რეალურად, არაფერს არ აკეთებს საერთაშორისო დონეზე, დიპლომატიურ-პოლიტიკურ დონეზე საქართველოს ინტერესების დასაცავად“, - აცხადებს დავით ბაქრაძე.
