საქართველოს პრემიერის თქმით, 135 სოფელი, როგორც ამას ცდილობს წარმოაჩინოს ოპოზიციის ნაწილი, დაკარგული გახლავთ არა მცოცავი ოკუპაციის შედეგად, არამედ ოკუპაციის შედეგად, რომელიც მოქმედ ხელისუფლებას მემკვიდრეობად დარჩა.
”გარდა ამისა, მინდა ვთქვა, რომ 135 სოფელი, როგორც ამას ცდილობს წარმოაჩინოს ოპოზიციის ნაწილი, დაკარგული გახლავთ არა მცოცავი ოკუპაციის შედეგად, არამედ ოკუპაციის შედეგად და ოკუპაცია გახლავთ ის მძიმე მემკვიდრეობა, რომელიც ჩვენმა პოლიტიკურმა ძალამ მიიღო, როდესაც ჩვენ მოვედით ხელისუფლებაში. ყველაფერს გავაკეთებთ იმისთვის, რომ ამ მძიმე მემკვიდრეობისგან გავათავისუფლოთ ჩვენი მომავალი თაობა. აუცილებლად გადავდგამთ იმ ნაბიჯებს, რომელიც მიგვიყვანს საქართველოს ერთიანობამდე - რა თქმა უნდა, მშვიდობით, მხოლოდ და მხოლოდ მოლაპარაკებების გზით. არავითარ შემთხვევაში აღარ მივცემთ არავის საშუალებას, იმ ადამიანებს და ადამიანები არ იცვლებიან, რომლებმაც 26 წელი ჩაკეტილ წრეზე ატარეს ჩვენი ქვეყანა, ისევ ამ წრეზე შეგვიყვანონ. ეს არის გამორიცხული. ძნელია, მაგრამ ცივი გონებით, ჩვენ აუცილებლად გადავდგამთ იმ ნაბიჯებს, რომლებიც ამ პრობლემას მოაგვარებს”, - განაცხადა გიორგი კვირიკაშვილმა.
