„თუ რომელიმე საპარლამენტო პოლიტიკური პარტია გაურიგდა „ქართულ ოცნებას“, ეს პროცესი ჩამოიშლება", - ამის შესახებ სამოქალაქო პლატფორმა ”ახალი საქართველოს” თავმჯდომარემ, გიორგი ვაშაძემ საკონსტიტუციო ცვლილებებზე პრეზიდენტთან ერთობლივ მსჯელობასთან დაკავშირებით განაცხადა.
მისივე თქმიღ, „ქართული ოცნება“ ჩიხშია შესული და მმართველმა გუნდმა გამოსავალი აუცილებლად უნდა მოძებნოს. ის პრეზიდენტის ადმინისტრაციაში შეხვედრაზე მისვლას გეგმავს.
„შევიკრიბოთ მათ გარეშე, რა მნიშვნელობა აქვს მათ მოსვლას, მაგრამ მთავარი და ყველაზე მნიშვნელოვანი, თუ რომელიმე საპარლამენტო პოლიტიკური პარტია გაურიგდა „ქართულ ოცნებას“, ეს პროცესი ჩამოიშლება. ამიტომ ვაფრთხილებ თითოეულ მათგანს, რომ თუ გაურიგდებით, იცოდეთ, რომ თქვენ გიყიდათ „ქართულმა ოცნებამ“, ამიტომ სჯობს ყველამ ხმამაღლა დააფიქსიროს პოზიცია, რომ ერთიანი ოპოზიცური პოზიციის გარეშე არც საპარლამენტო პარტიები არაფერს არ მოიმოქმედებენ, ცალკე, დამოუკიდებლად,“ - განაცხადა გიორგი ვაშაძემ.
