11 საათზე თბილისის საქალაქო სასამართლოში კვლავ განახლდება დეკანოზ გიორგი მამალაძის სასამართლო პროცესი. როგორც პროცესის დაწყების წინ ”ჯი-ეიჩ-ენს” დეკანოზის ადვოკატმა, გიორგი ფანცულაიამ განუცხადა, ბრალდება თავის მოწმეებს დაკითხავს.
”ვინაიდან ბრალდების მოწმეების დაკითხვა დასრულებული არ არის და დასაკითხთა რაოდენობაც საკმაოდ ბევრია, არამხოლოდ დღევანდელი სასამართლო პროცესი, არამედ მომდევნო პროცესებიც მათი მოწმეთა დაკითხვით გაგრძელდება,” - განუცხადა ”ჯი-ეიჩ-ენს” ფანცუალაიამ.
რაც შეეხება იმას, თუ ვის წარადგენს დღევანდელ სასამართლო პროცესზე ბრალდების მხარე დასაკით მოწმეთა სიაში, ეს დაცვის მხარისთვის ცნობილი არ არის.
”პროკურატურას კანონით არ აქვს ვალდებულება ეს გვითხრას. დარჩენილ დასაკითხ პირთაგან ნებისმიერი შეიძლება მოიყვანონ. დასაკითხთა სიაში მათ დაახლოებით, 110 მოწმე ჰყავთ, აქედან 30-35 მოწმე უკვე დაკითხულია. ჩვენც დაახლოებით, 110 მოწმე გვყავს დასაკითხი, მაგრამ მოწმეთა აბსოლუტური უმრავლესობა ერთმანეთს ემთხვევა. შესაბამისად, საერთო მოწმეებს, რომელთაც ბრალდება დაკითხავს, განმეორებით ვერ დავკითხავთ. თუ მათ ყველა დასაკითხი მოწმე მოიყვანეს, ჩვენ რამდენიმე მოწმე დაგვრჩება” - განაცხადა პროცისის დაწყებამდე რამდენიმე წუთით ადრე ფანცულაიამ.
