„საქართველოს საკითხი ისე აქტუალური არასდროს ყოფილა საერთაშორისო ორგანიზაციების ფარგლებში, როგორც დღეს არის და რუსეთის პასუხისმგებლობა არასდროს დამდგარა ისე მკაცრად, როგორც დგას დღეს“, - ამის შესახებ საქართველოს საგარეო საქმეთა მინისტრმა, მიხეილ ჯანელიძემ ჟურნალისტის შეკითხვის, აპირებს თუ არა სამინისტრო ანტიანექსიური პოლიტიკის შემუშავებას, საპასუხოდ განაცხადა.
მინისტრის განცმარტებით, უწყებას აქვს ძალიან კონკრეტული ხედვა და პოზიცია.
„საქართველოს მთავრობა ახორციელებს ძალიან მტკიცე პოლიტიკას, რომელიც უკავშირდება დეოკუპაკიციას და ტერიტორიული მთლიანობის აღდგენას. ჩვენ გვაქვს ძალიან კონკრეტული ხედვა და პოზიცია, რომელსაც ვახორციელებთ და შემდგომი ნაბიჯების გადადგმა განსაზღვრული იქნება ჩვენი პოლიტიკის შესაბამისად.“, - აღნიშნა მინისტრმა.
