”წითელი ზონა” და ”ინტერვიუ” ერთობლივი პროექტები არ იყო, - აცხადებს „კურიერთან“ საუბარში საზოგადოებრივი მაუწყებლის გენერალური დირექტორი ვასილ მაღლაფერიძე.
მისი თქმით, ის რადიო თავისუფლებასთან თანამშრომლობას ერთობლივი პროექტების განხორციელების შემთხვევაში მიესალმება.
„ეს ორი გადაცემა არ არის ერთობლივი პროდუქტი. ეს არის „რადიო თავისუფლების“ პროდუქცია, შეიძლება ძალიან საინტერესო, მაგრამ ეს არის „რადიო თავისუფლების“ პროდუქცია, სადაც მხოლოდ პლატფორმად გამოიყენება საზოგადოებრივი მაუწყებელი,“ - აცხადებს ვასილ მაღლაფერიძე და აღნიშნავს, რომ რადიო თავისუფლებას, შეიძლება, თავისი პოზიცია ჰქონდეს, მაგრამ საზოგადოებრივ მაუწყებელს ჰყავს სამეურვეო საბჭო, ჰყავს დიდი საბჭო, რომელიც იღებს სარეკომენდაციო გადაწყვეტილებებს.
„ვფიქრობ, რომ საზოგადოებას დააინტერესებს ისეთი საზოგადოებრივი მაუწყებელი, რომელიც მხოლოდ თვითონ იღებს გადაწყვეტილებებს,“ - განაცხადა მაღლაფერიძემ.
