ვენეციის კომისიის შეფასება მთლიანობაში დადებითია, - ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ განაცხადა.
მისი თქმით, ცალკეულ საკითხებზე, რომელზეც არის რეკომენდაცია, გაიმართება დისკუსია, მსჯელობა, რათა ის იყოს ასახული საბოლოო დოკუმენტში.
"ვენეციის კომისიის შეფასება მთლიანობაში დადებითია და ეს ჩვენთვის ყველაზე მნიშვნელოვანია, რომ კონსტიტუციური კანონპროექტი შეესაბამება იმ პრინციპებს, რომელიც საერთაშორისო სამართალს ეფუძნება. მთავარი საკითხი, რომელიც არის დოქტრინალური, პრინციპული და ძირითადი არ არის წინააღმდეგობაში არც ერთ სამართლებრივ პრინციპთან, ეს არის აღირებული და ამიტომ ამ დასკვნას მივესალმებით. ცალკეულ საკითხებზე, რომელზეც არის რეკომენდაცია გავმართავთ დისკუსიას, ვიმსჯელებთ, რათა ის იყოს ასახული საბოლოო დოკუმენტში", - განაცხადა ეკა ბესელიამ.
