მოლოდინი იყო და ვიცოდით, რომ საცობები იქნებოდა, რადგან პეკინის ქუჩა არის ერთ-ერთი მაგისტრალური ქალაქისთვის და მისი ცალმხრივად დაკეტვაც კი გამოიწვევდა ინტენსიურ მოძრაობას, - ამის შესახებ თბილისის ვიცე-მერმა, ლაშა აბაშიძემ განაცხადა.
ის პეკინის გამზირის ცალმხრივად დაკეტვის გამო საბურთალოზე გართულებულ მოძრაობას გამოეხმაურა და აღნიშნა, რომ პატრული და ქალაქის ტრანსპორტის სამსახური არის ადგილზე და ისინი ცდილობენ მაქსიმალურად დაარეგულირონ საცობები.
"დღეს არის პირველი დღე. რა თქმა უნდა, ველოდებოდით, რომ იქნებოდა ძალიან მჭიდრო მოძრაობა. გადაკეტვის გამო კონცენტრირება იქნებოდა სწორედ შარტავას ქუჩაზე. ახლაც სწორედ იქ მივდივარ, რომ ბოლო ინფორმაციას გავეცნო. პატრული არის ადგილზე. ქალაქის ტრანსპორტის სამსახური არის ადგილზე და ისინი ცდილობენ მაქსიმალურად დაარეგულირონ საცობები. მოლოდინი იყო და ვიცოდით, რომ საცობები იქნებოდა, რადგან პეკინის ქუჩა არის ერთ-ერთი მაგისტრალური ქალაქისთვის და მისი ცალმხრივად დაკეტვაც კი გამოიწვევდა ინტენსიურ მოძრაობას”, - განაცხადა აბაშიძემ.
ცნობისთვის, დღეს პეკინის გამზირის რეაბილიტაცია დაიწყო.
