საქართველოს განათლებისა და მეცნიერების მინისტრის ალექსანდრე ჯეჯელავას განცხადებით, ჯგუფ "ბირჟა მაფიის" წევრების საქმესთან დაკავშირებით, პროკურატურა გაერკვა საქმის ვითარებაში და როგორც ჩანს, აღმოაჩინეს ახალი გარემოებები.
მინისტრის თქმით, კანონის დარღვევა ნებისმიერის მხრიდან არის აბსოლუტურად მიუღებელი და ყველა თანაზომიერი სასჯელით უნდა დაისაჯოს.
"რაც შეეხება მართლმსაჯულების მუშაკების მიმართ დამოკიდებულებას, ჩემი აზრით, მათი პატივისცემა არის ნებისმიერი სახელმწიფოს დასაყრდენი“, - განაცხადა ჯეჯელავამ და დასძინა, რომ ნარკოპოლიტიკის ლიბერალიზაციაზე მუშაობა არ შეწყვეტილა.
"ნარკოპოლიტიკის ლიბერალიზაცია წარმოადგენდა ერთ-ერთ საარჩევნო დაპირებას. ამაზე მუშაობა არ შეწყვეტილა. პრემიერის განცხადებამ ხელი შეუწყო იმას, რომ დღის წესრიგში ეს დამდგარიყო უფრო მალე ვიდრე დაგეგმილი იყო", - განმარტა მინისტრმა.