ვფიქრობ, ხელმძღვანელობის შეცვლა არ გამოიწვევს დამოუკიდებლობისა და თავისუფლების შემცირებას, - განაცხადა საქართველოში აშშ-ის ელჩმა, იან კელიმ „რუსთავი 2“-ში მიმდინარე პროცესებთან დაკავშირებით.
„ჩვენ მხარს ვუჭერთ თავისუფალ მედიაგარემოს საქართველოში და აქ არის ყველაზე თავისუფალი მედიაგარემო რეგიონში. ჩვენ ყურადღებით ვაკვირდებით მიმდინარე მოვლენებსა და პროცესებს და ვფიქრობ, რომ ხელმძღვანელობის შეცვლა არ გამოიწვევს დამოუკიდებლობისა და თავისუფლების შემცირებას“, - განაცხადა იან კელიმ.
ტელეკომპანია "რუსთავი 2"-ის გენერალური დირექტორის თანამდებობაზე ნიკა გვარამია შესაძლოა, გია ყარამანიშვილმა შეცვალოს.
გავრცელებული ინფორმაციით, გვარამიას გადადგომა ტელეკომპანიაში არსებულ ფინანსურ პრობლემებს უკავშირდება.