„სასოფლო-სამეურნეო დანიშნულების მიწის 5,5% გასხვისებულია არამოქალაქეებზე, რაც ძალიან დიდი მაჩვენებელია“, - ამის შესახებ საქართველოს პარლამენტის თავმჯდოამრემ, ირაკლი კობახიძემ განაცხადა.
მისივე განმარტებით, სტრატეგიული რესურსის არამოქალაქეებზე გადასვლა მოქალაქეების შეშფოთების საგანია.
"ჩვენ გავაანალიზეთ ასეთი შეზღუდვის ეკონომიკური ეფექტი, გავაანალიზეთ მიწების უცხოელებზე გასხვისების წვლილი უცხოელ ინვესტიციებში და ეკონომიკურ ზრდაში - ეს წვლილი მიზერულია. სასოფლო-სამეურნეო დანიშნულების მიწის 5,5% გასხვისებულია არამოქალაქეებზე, რაც ძალიან დიდი მაჩვენებელია. რა თქმა უნდა, საუბარია ნაყოფიერ მიწებზე, მაგალითად კახეთში, ქვემო ქართლში და ა.შ. ანუ, თანდათანობით სტრატეგიული რესურსი არამოქალაქეების საკუთრებაში გადადის, რაც მოქალაქეების შეშფოთების საგანია", - განაცხადა კობახიძემ.
შეგახსენებთ, რომ მიწის გასხვისება უცხო ქვეყნის მოქალაქეებზე კონსტიტუციით აიკრძალება, - აღნიშნული გადაწყვეტილება პარლამენტის თავმჯდომარე ირაკლი კობახიძემ გაახმოვანა.
