,,ხელისუფლება იმის ნაცვლად, რომ პრობლემებზე ილაპარაკოს და მოსახლეობას დაეხმაროს, დაკავებულია სრულიად უაზრო თავის ქებით და უაზრო პროგრამების დაფინანსებით, როგორიც დღეს მოვისმინეთ, რომ თითოეული ჩვენგანის ფული, გადასახადის გადამხდელების ფული პენსიის ზრდის ნაცვლად იხარჯება ნაყინის ჩხირების მოდიფიკაციის პროგრამის დაფინანსებისთვის’’, - განაცხადა ,,ევროპული საქართველოს“ ლიდერმა დავით ბაქრაძემ 2016 წლის ბიუჯეტის განხილვასთან დაკავშირებით.
,,ბიუჯეტის შეფასების მთავარი ტესტია რამდენად ვითარდება ქვეყანა და უკეთ ცხოვრობს თუ არა მოსახლეობა. სამწუხაროდ, საქართველო დღეს არის ქვეყანა, სადაც საბიუჯეტო ხარჯის შედეგად კარგად ცხოვრობს მთავრობა, კარგად ცხოვრობენ ჩინოვნიკები და ცუდად ცხოვრობს მოსახლეობა. ბუნებრივია, ჩვენ ვერ გავიზიარებთ ხელისუფლების უსაფუძვლო ოპტიმიზმს, რომ ყველაფერი მიდის კარგად. სამწუხაროდ, საქართველოში პროცესები მიდის ცუდად, მოსახლეობა ღარიბდება და რადიკალური რეფორმების და ხელისუფლების შეცვლის გარეშე როგორც ჩანს ქვეყანას განვითარების პერსპექტივა არ გააჩნია. ჩვენი შეფასება ბიუჯეტის ანგარიშზე იყო უარყოფითი. ძალიან სამწუხაროა, რომ საქართველოში დღეს მინისტრები საჭიროდ არ თვლიან, რომ თუნდაც წელიწადში ერთხელ მობრძანდნენ პარლამენტში და პასუხი გასცენ იმ კითხვებს, რომელიც არსებობს ხალხის მხრიდან. ჩვენ გვყავს მინისტრები, ვისაც ჰგონია, რომ მოსახლეობა კარგად ცხოვრობს და ბღუჯა-ბღუჯა ფულს არიგებს. ხელისუფლება ვერ აცნობიერებს ქვეყნის წინაშე მდგარ პრობლემებს და გამოწვევებს, არ ესმის ხალხის პრობლემები,‘’ - განაცხადა დავით ბაქრაძემ.
