„ევროპული საქართველოს“ ლიდერმა გივი თარგამაძემ მთავარი პროკურატურის შენობა უკვე დატოვა. თარგამაძის თქმით, მანქანის აფეთქების საქმეში არსებული სხვა მონაწილეები საქართველოში არ იმყოფებიან.
თარგამაძე არ გამორიცხავს, რომ ამ ადამიანების მიმართ ვერ მოესწრება ბრალის წარდგენა და ეს საქმე ცალკე გამოიყოს. ის, საქმეში მონაწილე სხვა პირების ვინაობას უახლოეს დღეებში სპეციალურ ბრიფინგზე დაასახელებს.
"გამოძიება დამხვდა თითქმის იგივე ნიშნულზე, რაც წინა შეხვედრისას. ოდნავ მეტი იყო გაკეთებული საქმეში მონაწილე ორი პირის მიმართ, თუმცა საგამოძიებო უწყებამ ვერ ჩათვალა ეს საკმარისად, რომ მმათთვის ბრალი წარეგინათ. მივაწოდე დამატებითი ინფორმაცია, მასალები და იმედი მაქვს, ეს იქნება საკმარისი მათთვის ბრალის წარსადგენათ. ამ ინფორმაციით შესაბამის სამსახურებს მიეცემათ საშუალება აწარმოონ ოპერატიული მოქმედებები საქმეში მონაწილე 2 პირის და განსაკუთრებით მათთან დაკავშირებული პირების წინააღმდეგ, ვინაიდან მათი მოქმედებები პერმანენტულ საფრთხეს წარმოადგენს ამ ქვეყნის უსაფრთხოებისთვის"- განაცხადა გივი თარგამაძემ.
შეგახსენებთ, გივი თარგამაძის ავტომობილი გასული წლის 4 ოქტომბერს კოლმეურნეობის მოედანზე ააფეთქეს.
საქმეზე პირველი სასამართლო სხდომა 3 ივლისს არის ჩანიშნული.
