საქართველოს პრეზიდენტი აცხადბს, რომ საკონსტიტუციო ცვლილებების სახალხო განხილვებში მონაწილეობაზე გადაწყვეტილება ჯერ მიღებული არ აქვს.
სტუდენტებთან შეხვედრის დასრულების შემდეგ გიორგი მარგველაშვილი აღნიშნულ საკითხზე მცირე კომენტარით შემოიფარგლა.
„თქვენთან ერთად ვიყავი კარგ შეხვედრაზე, მოვისმენ და მერე ვნახოთ“,- აღნიშნა გიორგი მარგველაშვილმა. სტუდენტებთან შეხვედრაზე კი პრეზიდენტმა განაცხადა, რომ საკონსტიტუციო ცვლილებების საყოველთაო-სახალხო განხილვებში სიამოვნებით მიიღებს მონაწილეობას.
საპარლამენტო უმრავლესობა საქართველოს პრეზიდენტს, საკონსტიტუციო ცვლილებების საყოველთაო განხილვებში მონაწილეობას სთავაზობს. ამის შესახებ განცხადება პარლამენტის პირველმა ვიცე-სპიკერმა თამარ ჩუგოშვილმა გააკეთა.