თბილისის მერი დავით ნამრანია ოპოზიციის ბრალდებებს ლისის ტბის მიმდებარე ტერიტორიაზე ხანძრის ხელოვნურად გაჩენასთან დაკავშირებით პასუხობს. და აცხადებს, რომ ეს არის მიზანმიმართული დეზინფორმაცია.
”ეს არის ნახანძრალი ხეები, როცა რამდენიმე წლის წინ, ზაფხულში, ბალახს გაუჩნდა ცეცხლი და რამდენიმე ხე დაიწვა. სირცხვილია მათი ასეთი ქცევა, როცა ისევ დეზინფორმაციებით ცდილობენ საზოგადოება შეცდომაში შეიყვანონ. უკეთესი იქნებოდა ჯერ საკითხში გაერკვნენ, მოგვისმინონ ჩვენ და მერე გააკეთონ განცხადებები. კიდევ უფრო უკეთესი იქნება საერთოდ, ბარს მოკიდონ ხელი და ჩვენთან ერთად გაამწვანონ ჩვენი ქალაქი, დარგონ რაც შეიძლება მეტი ხე. თუ ასე შეტკივათ გული ჩვენს ქალაქზე და მის გამწვანებაზე, გაამწვანონ”, - განაცხადა დავით ნარმანიამ.
ოპოზიციური პარტიების წარმომადგენლების ინფორმაციით, ლისის ტბის მიმდებარედ, ტყეში ხანძარი ხელოვნურადაა გაჩენილი. ოპოზიცია დედაქალაქის მერიის პასუხისმგებლობაზე საუბრობს.
