უკმაყოფილო მხარემ სასამართლოს მიმართ შეფასებები გააკეთოს, მაგრამ ეს არ უნდა იყოს შეურაცხმყოფელი, - განაცხადა იუსტიციის უმაღლესი საბჭოსა და უზენაესი სასამართლოს თავმჯდომარემ ნინო გვენეტაძემ მოსამართლეთა შეურაცხყოფაზე რეგულაციების დაწესებასტან დაკავშირებით წარდგენილი ინიციატივის შეფასებისას.
”ჩვენი მიზანია საზოგადოების ინფორმირებულობა და სამართლებრივი არჩევნების ამაღლება, ყველაფერი ემსახურება სასამართლოს მიმართ ნდობის აღდგენას. არის კონკრეტული შემთხვევები, როდესაც განცხადებები კრიტიკის ფარგლებს სცილდება და გადადის შეურაცხყოფაში, ასეთი განცხადებები ხელს უშლის სასამართლოს მიმართ ნდობის ამაღლებას და ამიტომ ჩვენი აქტივობა ამ მიმართულებით ბუნებრივია”, - განაცხადა ნინო გვენეტაძემ.
მისთვის უცნობია დადგინდება თუ არა რაიმე სანქციები შეურაცხყოფისთვის.
”ეს არის დამოკიდებული საზოგადოების მართლშეგნების დონეზე, მაღალეთიკურ სტანდარტებზე. თუ ჩვენ შევძლებთ მოვიპოვოთ საზოგადოების ერთობა და იყოს მისაღები ზღვარი კრიტიკის თუნდაც იმ საქმეზე, სადაც მხარემ გამარჯვებას ვერ მიაღწია, ეს ჩვენი გამარჯვება იქნება. ჩვენ გვინდა საზოგადოების თანადგომა პრობლემურ საკითხებთან დაკავშირებით”, - განაცხადა გვენეტაძემ.
მისი თქმით, დიალოგისთვის იუსტიციის უმაღლესი საბჭო ეპატიჟება ფართო საზოგადოებას, რომელსაც მართლმსაჯულების ნდობის ამაღლების კუთხით აქვს უდიდესი მნიშვნელობა.
