თამბაქოს დარგს საკმაოდ სერიოზული საბიუჯეტო შემოტანები აქვს, თუმცა ეს იმას არ ნიშნავს, რომ ჩვენ არ უნდა დავიცვათ ის მიღებული ნორმები, რომელიც პირველ რიგში, ევროპაშია გავრცელებული, – განაცხადა ეკონომიკისა და მდგრადი განვითარების მინისტრმა გიორგი გახარიამ თამბაქოსთან დაკავშირებულ საკანონმდებლო პაკეტთან დაკავშირებით მთავრობის შენიშვნებზე საუბრისას.
„თამბაქოს მოხმარების ნაწილში ჩვენ უნდა ვიყოთ ერთ-ერთი წარმატებული მაგალითების რიგში, მაგრამ ეს არ უნდა გავაკეთოთ მხოლოდ და მხოლოდ ეკონომიკის ხარჯზე. ამ დარგს საკმაოდ სერიოზული საბიუჯეტო შემოტანები აქვს, თუმცა ეს იმას არ ნიშნავს, რომ ჩვენ არ უნდა დავიცვათ ის მიღებული ნორმები, რომელიც პირველ რიგში, ევროპაშია გავრცელებული”, – განაცხადა გახარიამ.
თამბაქოსთან დაკავშირებულ საკანონმდებლო პაკეტზე მთავრობას შენიშვნები აქვს. ის 17 გვერდისგან შედგება და პარლამენტი მას დღეს განიხილავს.