იმის გამო, რომ ჩინეთის ცენტრალურმა ბანკმა იუანის კურსის გაკონტროლებაზე უარი განაცხადა, მსოფლიო ბაზარზე ოქროს ფასი რეკორდულად გაიზარდა. მსოფლიო სავაჭრო ბირჟებზე ტროის უნცია ოქროს ფასმა 1264,50 დოლარი შეადგინა.
ექსპერტების აზრით, ოქროს მიმართ გაძლიერებული მოთხოვნა არსებობს. მათი განცხადებით, აღნიშნული პროცესი პირდაპირი შედეგია იმ ფაქტორისა, რომ ინვესტორებს ოქრო გაცილებით მომხიბვლელ კაპიტალდაბანდებად მიაჩნიათ.
მიმდინარე წელს ვალუტის შესაძლო გაუფასურებისგან თავიანთი აქტივების დაცვის მიზნით, ცენტრალური ბანკების, საპენსიო ფონდებისა და ინდივიდუალური ინვესტორების მცდელობების ფონზე, ოქრო 15 პროცენტით გაძვირდა. ამ დღეებში საინვესტიციო ბანკმა Goldman Sachs-მა გამოქვეყნა პროგნოზი, რომლის თანახმად, მიმდინარე წელს უნცია ოქროს ფასმა, შესაძლოა, 1400 დოლარს გადააჭარბოს.