ევროპარლამენტის ყველაზე დიდმა პოლიტიკურმა ჯგუფმა „ევროპის სახალხო პარტიამ“ (EPP) საქართველოში არსებულ ვითარებაზე რეზოლუციის პროექტი მოამზადა, რომელშიც აღნიშნულია, რომ საქართველოს ერთადერთი ლეგიტიმური წარმომადგენელი სალომე ზურაბიშვილია და ახალი საპარლამენტო არჩევნების ჩატარებაა მოთხოვნილი. ასევე მოთხოვნილია მზია ამაღლობელის გათავისუფლება.
ამის შესახებ ინფორმაციას ბრიუსელში მომუშავე ჟურნალისტი თამარ ნუცუბიძე ავრცელებს, რომელიც EPP-ს რეზოლოციის პროექტი მიაწოდეს.
“მოთხოვნაა ახალი არჩევნები. მომავალი თვეების განმავლობაში, იპპ მოუწოდებს ევროკავშირის წევრ ქვეყნებს დააწესოს ინდივიდუალური სანქციები ბიძინა ივანიშვილის, კახა კალაძის, ირაკლი კობახიძის, შალვა პაპუაშვილის და სხვა პასუხისმგებელი პირების მიმართ, იპპ მიესალმება ევროკავშირის გადაწყვეტილებას ვიზა ფასილიტაციის შეჩერებაზე დიპლომატიურ და სამსახურეობრივ პასპორტებზე, იპპ მოუწოდებს უპირობოდ და რაც შეიძლება სწრაფად, გაათავისუფლოს პატიმრები, მოუწოდებს ევროკომისიას 120 მილიონი ევრო გადამისამართებული იქნას არასამთავრობო სექტორზე და მედიაზე. მეექვსე პუნქტში მზია ამაღლობელის ქეისია, ამიტომაც მას უცვლელად გთავაზობთ“,- წერს თამარ ნუცუბიძე.
