უკრაინის პრეზიდენტმა ვოლოდიმირ ზელენსკიმ განაცხადა, რომ თურქეთის პრეზიდენტ რეჯეფ თაიფ ერდოღანთან შეხვედრაზე რუსეთის ომის დასრულების მიზნით მიმდინარე მოლაპარაკებებში თურქეთის ჩართვის შესაძლებლობა და ამ საკითხზე თურქეთში სამიტის გამართვის პერსპექტივა განიხილა.
ზელენსკიმ ამის შესახებ სტამბოლში, მედიასთან განაცხადა.
„ამჟამად ნოემბრის პირველ ნახევარში სამმხრივი ფორმატის შეხვედრისთვის ვემზადებით - უკრაინა, აშშ და რუსეთი.
ბატონ პრეზიდენტთან ამ ფორმატის პერსპექტივები და სხვა შესაძლებლობები განვიხილეთ, მათ შორის, თურქეთისა და ევროპის ჩართვის საკითხი, ასევე თურქეთში, აქ შეხვედრის გამართვის შესაძლებლობა“, - აღნიშნა უკრაინის პრეზიდენტმა.
ზელენსკის თქმით, მშვიდობის დასამყარებლად გადამწყვეტი ნაბიჯების გადადგმაა საჭირო და რუსეთმა ყველა დონეზე უნდა მიიღოს სიგნალი, რომ მშვიდობას ალტერნატივა არ აქვს და უკრაინის მხარდაჭერა გაგრძელდება.
