უკრაინის პრეზიდენტმა ვოლოდიმირ ზელენსკიმ განაცხადა, რომ ხერსონის ოლქში, დროებით ოკუპირებული ქალაქ ოლეშკიდან მოსახლეობის ევაკუაციის ჰუმანიტარული ოპერაცია წარმატებით დასრულდა. ევაკუირებულმა უკრაინის ყველა მოქალაქემ ჩერნიჰივის ოლქში სახელმწიფო საზღვარი უკვე გადაკვეთა. ამის შესახებ ვოლოდიმირ ზელენსკი სოციალურ ქსელში წერს.
მისი თქმით, ხერსონის ოლქის ოკუპირებულ ქალაქში ადამიანების გადასარჩენად ჰუმანიტარული ოპერაცია ჩატარდა.
უკრაინის პრეზიდენტის თქმით, ჰუმანიტარული ოპერაციის ჩასატარებლად ხერსონის მიმართულებაზე ცეცხლის დროებით შეწყვეტის შესახებ შეთანხმების მიღწევა მოხერხდა.
ამ დროის განმავლობაში ოლეშკისკენ მიმავალი გზები განაღმეს, ქალაქსა და მიმდებარე დასახლებებში ჰუმანიტარული ტვირთები ჩაიტანეს და დახმარების საჭიროების მქონე ადამიანები ევაკუაციით გაიყვანეს.
„ამ დროისთვის ოლეშკის მცხოვრებმა უკრაინის მოქალაქეებმა ჩერნუჰოვის ოლქში უკრაინის საზღვარი გადაკვეთეს“, - წერს ზელენსკი.
უკრაინის პრეზიდენტმა იმედი გამოთქვა, რომ ოლეშკში ჰუმანიტარული წვდომა შენარჩუნდება და სამთავრობო უწყებებსა და ადგილობრივ ხელისუფლებას ევაკუირებული მოქალაქეების ადაპტაციაში დახმარებისკენ მოუწოდა.
ზელენსკიმ ასევე მადლობა გადაუხადა აშშ-სა და პირველ ლედის, მელანია ტრამპს, შუამავლობისთვის, თავდაცვის ძალებს - ოპერაციის დროს უსაფრთხოების უზრუნველყოფისთვის, ხოლო უკრაინის ომბუდსმენს, დმიტრო ლუბინეცსა და მის გუნდს - მისიის განხორციელებისთვის.
შეგახსენებთ: ხერსონის ოლქში, დროებით ოკუპირებული ოლეშკიდან უკრაინის მოქალაქეების ოთხი თვითმფრინავით ბელარუსის ქალაქ გომელში გადაოყვანეს.
