უკრაინის პრეზიდენტმა ვოლოდიმირ ზელენსკიმ განაცხადა, რომ აშშ-ის პრეზიდენტის დონალდ ტრამპის გუნდის წარმომადგენლების ვიზიტები მიმდინარე კვირაში გაიმართება.
ამის შესახებ მან ევროპის საინვესტიციო ბანკის პრეზიდენტთან, ნადეჟდა კალვინოსთან ერთობლივ პრესკონფერენციაზე განაცხადა.
ზელენსკიმ ისაუბრა უკრაინის გუნდისა და აშშ-ის გუნდის პრაქტიკულ მუშაობაზე ფოკუსირების მნიშვნელობაზე, ასევე „მთავარი საკითხების საერთო ხედვაზე“.
„ჩვენ ძალიან ბევრს ვიმუშავებთ. ამ კვირაში ჩამოვა რამდენიმე პირი პრეზიდენტ ტრამპის გუნდიდან. იქნება ცალკე შეხვედრები, საუბრები, სამუშაო“, - განაცხადა უკრაინის პრეზიდენტმა.
თუმცა, მან არ დააკონკრეტა ტრამპის გუნდის რომელი წარმომადგენლები ჩავლენ უკრაინაში.
