პარიზის გარეუბანში, ქალაქ ტრაპში, სროლის შედეგად, წინასწარი ინფორმაციით, ერთი ადამიანი დაიღუპა, ოთხი კი დაშავდა. ამის შესახებ ფრანგული საინფორმაციო სააგენტო AFP იუწყება.
ფრანგული ტელეარხ BFMTV-ის ცნობით, ინციდენტის შემდეგ 39 წლის ეჭვმიტანილი მეზობელ ქალაქ კუანიერში დააკავეს.
პოლიციის წყაროების ინფორმაციით, თავდამსხმელმა ცეცხლი თავდაპირველად ავტობუსის გაჩერების მიმდებარედ გახსნა, შემდეგ კი - სკვერთან და ბენზინგასამართ სადგურთან.
ამის შემდეგ მან ტრაპი დატოვა და მეზობელ ქალაქ ლა-ვერიერში, აფთიაქის მახლობლად, კიდევ სამი ადამიანი დაჭრა. დაშავებულებს შორის 12 წლის გოგონაც არის.
საფრანგეთის შინაგან საქმეთა მინისტრის, ლორან ნუნიესის განცხადებით, ავტომატური ცეცხლსასროლი იარაღიდან გასროლების შედეგად სულ ხუთი ადამიანი დაშავდა. ქვეყნის ეროვნულმა ანტიტერორისტულმა პროკურატურამ გამოძიება მკვლელობის მუხლით დაიწყო, ტერორისტულ საქმიანობასთან შესაძლო კავშირის საფუძველზე.
