იუსტიციის უმაღლესი საბჭოს ახალი წევრი, გიორგი მიქაუტაძე მიიჩნევს, რომ სასამართლო სისტემაში არის სირთულეები, რაც ძირითადად უკავშირდება საქმეთა სიმრავლეს. საქართველოს პრეზიდენტის პარლამენტში გამოსვლისას სასამართლო სისტემაში არსებულ კრიზისზე გაკეთებულ განცხადებასთან დაკავშირებით, მიქაუტაძემ ასევე განაცხადა, რომ ამის დაძლევის ყველაზე ეფექტური გზა მოსამართლეთა შერჩევა-დანიშვნის პროცესის გაგრძელებაა,
“სასამართლო სისტემა გადატვირთულია საქმეთა რაოდენობით, ძირითადი გამოსავალი არის მოსამართლეთა დანიშვნის პროცესის გაგრძელება და ამ პროცესში აქტიურად ჩავერთვები. მხოლოდ ეს არის ეფექტური ხსნა იმ გადატვირთული რაოდენობის საქმეებიდან, რაც დღეს სასამართლოშია და შესაბამისად, სასამართლოს მომხმარებელს აწუხებს”, - განაცხადა გიორგი მიქაუტაძემ.
მოსამართლეთა მე-20 რიგგარეშე კონფერენციაზე დღეს იუსტიციის უმაღლესი საბჭოს ორი ახალი წევრი აირჩიეს.. მიქაუტაძემ და ნადარაიამ იუსტიციის უმაღლეს საბჭოში პაატა სილაგაძე და ილონა თოდუა ჩაანაცვლეს.
