მოძრაობა თავისუფლებისთვის-ევროპული საქართველოს წევრი გიორგი კანდელაკი პრეზიდენტის პარლამენტში გამოსვლას აფასებს და აცხადებს, რომ პრეზიდენტი შეეხო თითქმის ყველა მწვავე პრობლემას.
,,პრეზიდენტი შეეხო თითქმის ყველა მწვავე პრობლემას, რაც არსებობს. ვიტყოდი, რომ ოდნავ რბილად შეეხო ეკონომიკის პრობლემას და იმას, რომ დღეს ქვეყანაში არსებული პრობლემა არის მძიმე, რომ ყველა გამოკითხვით, ისტორიული მაქსიმუმი ჩვენი მოქალაქეებისა ფიქრობს, რომ ქვეყანა ვითარდება არასწორი მიმართულებთ. ხალხს ძალიან აწუხებს ფასების ზრდა. ის, რომ არ იქმნება სამუშაო ადგილები და ამ ყველაფერზე პასუხისმგებელი მთავრობაა, რომელმაც ქვეყანა ამ კრიზისში შეიყვანა. მთავრობას არ გააჩნია ამ კრიზისიდან გამოსვლის გეგმა და როცა სხვები სთავაზობენ ამ გეგმას, მაგალითად, თქვენ იცით, რომ ჩვენ შევთავაზეთ ანტიკრიზისული პაკეტი ღონისძიებებისა, რაც გულისხმობს გადასახადების, ბიუროკრატიის შემცირებას და იმ ფლანგველობითი ხარჯების შემცირებას, რაც ფაქტიურად არაფერში არ გვჭირდება, მთავრობას არ სურს დისკუსიაში შემოსვლაც კი. ამის ფონზე, რა თქმა უნდა მდგომარეობა კიდევ უფრო მძიმდება. პრეზიდენტი ასევე შეეხო დეოკუპაციის საკითხს და იმას, რომ პრიორიტეტი უნდა იყოს საერთაშორისო ასპარეზზე ჩვენი ტერიტორიების დეოკუპაციია და ტერიტორიული მთლიანობის აღდგენის საკითხის აქტუალიზაცია. სამწუხაროდ, საგარეო საქმეთა სამინისტროს განცხადება რა თქმა უნდა არ კმარა. რეალურად, ქართულმა ოცნებამ შეასრულა განსხავებით ფასების განახევრებისა, საკუთარი წინაასაარჩევნო დანაპირები და საერთაშორისო უმაღლესი პოლიტიკური დონიდან ტერიტორიების დეოკუპაციის, დევნილთა დაბრუნების საკითხი მოხსნა. სულ ცოტახნის წინ, ერთმანეთს შეხვდნენ შეერთბული შტატების პრეზიდენტი და გერმანიის კანცლერი, თავისუფალი სამყაროს ორი მთავარი ლიდერი. ორივე მათგანმა ახსენა უკრაინა, მაგრამ არცერთ მათგანს არ უხსენებია საქართველო იმიტომ, რომ ამისათვის საქართველს მთავრობას არაფერი გაუკეთებია. როცა რუსეთი დგავს მტრულ ნაბიჯებს ჩვენი ქვეყნის წინააღმდეგ, საქართველოს პრემიერ მინისტრი არ ჩასულა არცერთ მნიშვნელოვან დედაქალაქში. სატელეფონო ზარიც კი არ განუხორციელებია არცერთ მსოფლიო ლიდერთან იმისათვის, რომ მოეხდინა პრობლემის აქტუალიზაცია. რუსეთთან დიალოგს ვემხრობი, მაგრამ ეს დიალოგი არ ნიშნავს ჩვენი საკითხის გაქრობას საერთაშორისო დღის წესრიგიდან გაქრობას. როცა გერმანიის კანცლერი და ამერიკის პრეზიდენტი საქართველოს აღარ ახსენებს და ადრე ახსენებდნენ გვაახლოებს თუ გვაშორებს ეს ტერიტორიული მთლიანობის აღდგენის პერსპექტივისგან?! აქ პრაგმატულ ინტერესებზეა საუბარი და იმაზე, თუ რა გვჭირდება ჩვენ,’’- ამბობს გიორგი კანდელაკი.
