წითელი ჯვარი ავღანეთში საქმიანობას დროებით წყვეტს. ამის მიზეზი ქვეყნის ჩრდილოეთით, ჯაუზჯანის პროვინციაში ორგანიზაციის 6 თანამშრომლის მკვლელობა გახდა. ჰუმანიტარული მისის თანამშრომლებს, რომლებსაც დიდთოვლობისა და მეწყრისგან დაზარალებულ რეგიონში სურსათი მიჰქონდათ, თავს შეიარაღებული პირები დაესხნენ. ადგილობრივი ხელისუფლება მომხდარზე პასუხისმგებლობას „ჰორასანის ვილაიათის“ მებრძოლებს აკისრებს.
