საფრანგეთის სენატის არჩევნებში, რომელიც 27 სექტემბერს გაიმართა, მარინ ლე პენის პარტიამ „ეროვნულმა გაერთიანებამ“ (RN) და მისმა მოკავშირეებმა ჯამში 14 მანდატი მოიპოვეს, რაც პარტიას პირველად აძლევს შესაძლებლობას, ზედა პალატაში საპარლამენტო ჯგუფი შექმნას. სენატში სულ 348 ადგილია. ამის შესახებ France 24 იუწყება,
საფრანგეთის სენატის რეგლამენტით, საპარლამენტო ჯგუფის შესაქმნელად მინიმუმ 10 სენატორია საჭირო. შესაბამისად, RN-მ პირველად გადალახა ეს ზღვარი.
სენატის არჩევნები პირდაპირი წესით არ ტარდება - სენატორებს ძირითადად ადგილობრივი არჩეული წარმომადგენლებისგან შემდგარი კოლეგია ირჩევს. 27 სექტემბერს სენატის 348 წევრიდან დაახლოებით ნახევარი, 178 მანდატი, განახლდა.
არჩევნების შედეგების გამოცხადების შემდეგ მარინ ლე პენმა შედეგს „ისტორიული გამარჯვება“ უწოდა.
RN-ის ლიდერმა ჟორდან ბარდელამ განაცხადა, რომ მისი პარტია სენატში საპარლამენტო ჯგუფის შესაქმნელად ერიკ სიოტის „რესპუბლიკური მემარჯვენეების კავშირთან“ (UDR) გაერთიანდება, რომელმაც ორი მანდატი მიიღო. შედეგად, ჯგუფში 16 სენატორი იქნება.
