აშშ სენატმა გენერალური პროკურორის პოსტზე ჯეფ სეშნსის დანიშვნას მხარი დაუჭირა. მის კანდიდატურას ხმა 52 სენატორმა მისცა, წინააღმდეგ კი 47 გამოვიდა. კენჭისყრას სკანდალის გარეშე არ ჩაუვლია. დემოკრატმა სენატორმა ელიზაბეტ უორენმა სენატს მარტინ ლუთერ ქინგის ქვრივის წერილი წაუკითხა, რომელიც 30 წლის წინ დაიწერა, სადაც ქინგის ქვრივი სეშნსს რასისტული გამონათქვამებისთვის აკრიტიკებს. მაშინ სეშნსი ფედერალურ მოსამართლედ მუშაობდა.
