სამეურვეო საბჭოს წევრები საზოგადოებრივი მაუწყებლის გენერალურ დირექტორს ხუთშაბათს შეხვდებიან, პარასკევს კი საბჭოს სხდომა გაიმართება, - ამის შესახებ საბჭოს წევრმა სულხან სალაძემ განაცხადა.
,,შეხვედრაზე იქნება საზოგადოებრივი მაუწყებლის კამერა და სრულად მოხდება შეხვედრის გადაღება, ხოლო შემდეგ ვებგვერდზე ატვირთვა. პარასკევისთვის პრინციპში უკვე ჩანიშნულია სხდომა. ამ სხდომაზე არ იგეგმება ისეთი გადაწყვეტილების მიღება, რომელიც შეცვლის დღევანდელ მოცემულობას მაუწყებელში, თუმცა ამ სხდომაზე გაცხადდება ის გეგმა, რომლის გრაფიკის მიხედვითაც მაუწყებლის სამეურვეო საბჭო დაიწყებს შეხვედრას როგორც თანამშრომლებთან, ასევე სამოქალაქო სექტორთან“, - განაცხადა სულხან სალაძემ.