„აფხაზეთი საქართველოა, დიდება გმირებს, რუსეთის მტერია“ - თბილისში, დღეს თსუ-დან გმირთა მოედნამდე მსვლელობა იმართება.
აქციის მონაწილეებს გამოტანილი აქვთ საქართველოსა და ევროკავშირის დროშები და სხავასხვა შინაარსის ბანერები.
აქციაში მონაწილეობენ ოპოზიციონერი პოლიტიკოსები, სტუდენტები და სამოქალაქო აქტივისტები.
მონაწილეები საქართველოს ტერიტორიული მთლიანობისთვის დაღუპულთა ხსოვნას პატივს მიაგებენ და რუსეთის ოკუპაციის დასრულებისა და ოკუპირებული ტერიტორიების დაბრუნების გზებზე საუბრობენ. მათი განცხადებით, ამ მიზნის მისაღწევად საქართველოს ძლიერი საერთაშორისო მოკავშირეების მხარდაჭერა სჭირდება.
