ახალი ხელისუფლებების პირობებში ახალ გეგმებზე იქნება საუბარი, - აღნიშნა პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა საქართველოში ამერიკის შეერთებული შტატების ელჩის იან კელის მიერ გაკეთებულ განცხადებაზე, რომლის თანახმადაც, უახლოეს ხანებში აშშ-დან რამდენიმე ოფიციალური დელეგაციის ვიზიტი იგეგმება. იან კელიმ აშშ-ის 2017 წლის სამხედრო ბიუჯეტის პროექტში საქართველოს მხარდაჭერის შესახებაც ისაუბრა.
„რა იქნება და რას მოხმარდება, ეს უკვე მთავრობებს შორის შეთანხმების საფუძველზე მოხდება. მე ვიცი, რომ ძალიან ინტენსიური ურთიერთობა აქვს ამ მხრივ, მათ შორის თავდაცვის სამინისტროს მის კოლეგებთან. ვიზიტი იქნება საქმიანი, გარდა იმისა, რომ ეს არის ჩვენი მეგობრის სტუმრობა და იქნება ძალიან საქმიანი უკვე ახალი მთავრობების, ახალი ხელისუფლებების პირობებში, ახალ გეგმებზე გვექნება საუბარი. მას ძალიან კარგად ესმის საქართველოს პრობლემები, ჩვენს შეიარაღებულ ძალებში არსებული ვითარება, ის მხარდაჭერის აუცილებლობა, რაც ქვეყანას სჭირდება,“ - ირაკლი სესიაშვილმა.