პროფესორი დავით ასლანიშვილი ამბობს, რომ ეროვნული ვალუტა მომდევნო კვირების განმავლობაში გააგრძელებს რეკორდების მოხსნას. როგორც ასლანიშვილი ამბობს, დაგეგმილია ამერიკული დოლარის კიდევ უფრო გამყარება მსოფლიო ბაზარზე, რაც გავლენას მოახდენს საქართველოზეც.
აქვე ეკონომისტი ამბობს, რომ არჩევნების პერიოდში ეროვნული ბანკის ინტერვენციები არ იყო სწორად განხორციელებული, რამაც ბაზარზე პრობლემები გააჩინა.
ჩვენ გვაქვს დეფიციტური ხარჯვა, ეროვნული ბანკის მიერ, არჩევნების პერიოდში არასწორად წარმართული საინტერვენციო პოლიტიკა, რამაც ბაზრის დეორგანიზაცია გამოიწვია და ლარი 2.50-იან ზღვარს გადააჭარბა.თუ ეს სავალუტო ინტერვენცია იქნებოდა, ლარი შემცირდებოდა. ლარი გაიზარდა, უცხოური ვალუტა გაედინა. ეს არ იყო სავალუტო ტრანზაქცია. ადგილი ჰქონდა უბრალოდ სავალუტო რესურსის გადაცემას ჯგუფისთვის, რომელმაც ქვეყანა დატოვა,"- განაცხადა ასლანიშვილმა.
ეკონომისტი ასევე ამბობს, რომ საქართველოში ლიბერალური საბაზრო ეკონომიკა ადმინისტრაციული რეგულირების გამძაფრებულმა ტალღამ ჩაანაცვლა. ასე დავით ასლანიშვილმა დღეს მთავრობის სხდომაზე მიღებული გადაწყვეტილებები შეაფასა, სადაც დღეს რამდენიმე ახალი რეგულაციის შესახებ გახდა ცნობილი. ერთ-ერთი ონლაინ სესხების გაუქმებას ითვალისწინებს.
"საქართველომ ეკონომიკური მოდელი შეცვალა. შერეულ ფორმაზე გადავდივართ ასეთი რეგულაციებით. ადმინისტრაციული რეგულირების გამძაფრების ტალღაში ეს უკვე აღარ არის ლიბერალური საბაზრო ეკონომიკა. ამ ეკონომიკამ არ მოგვცა დიდი ეკონომიკური ზრდა. ახლა იმედია, მთლად კომუნისტურ მოდელში არ გადავარდებით. ვნახოთ რა შედეგს მოიტანს მთავრობის რეგულაციები," - აცხადებს ასლანიშვილი.
