სპეციფიურ შემთხვევებზე, რისი განხილვაც სასამართლოში მიმდინარეობს კომენტარს ვერ გავაკეთებთ, - განაცხადა საქართველოში ევროკავშირის წარმომადგენლობის ხელმძღვანელმა, ელჩმა იანოშ ჰერმანმა დღეს გამართულ პრესკონფერენციაზე ჟურნალისტის კითხვაზე ”რუსთავი 2”-ის საქმესთან დაკავშირებით.
მისივე თქმით, საქართველოში პრესის თავისუფლება არის ძალიან მნიშვნელოვანი და ეს გარანტირებული იქნება.
”მე მესმის, რომ ამ შემთხვევას გრძელი ისტორია აქვს. სპეციფიურ შემთხვევებზე, რისი განხილვაც სასამართლოში მიმდინარეობს კომენტარს ვერ გავაკეთებთ. რა თქმა უნდა, მხარს ვუჭერთ იმას, რომ მედია უნდა იყოს თავისუფალი და მედიაპლურალიზმი ძალიან მნიშვნელოვანია. როგორც ანგარიშში წერია, პოლიტიკური დისკუსიები მსგავს თმებზე უნდა აღმოიფხვრას”, - განაცხადა ელჩმა.
