უნივერსიტეტში მიმდინარე პროცესს კრიზის არ დავარქმევდი, - ასე ეხმიანება განათლების მინისტრობის კანდიდატი ალექსანდრე ჯეჯელავა უნივერსიტეტში მიმდინარე პროცესებს.
ე ჯეჯელავას განცხადებით, სტუდენტების ერთი ჯგუფი ცდილობს გამოხატოს რადიკალური ფორმებით თავისი დამოკიდებულება.
უნივერსიტეტში მიმდინარე პროცესს კრიზის არ დავარქმევდი. ერთი ჯგუფი სტუდენტების გამოხატავს რადიკალური ფორმებით თავის დამოკიდებულებას. ამიტომ „აუდიტორია 115“ არ დავარქმევდი მათ. ინტენსიური ურთიერთობა მქონდა თავის დროზე აუდიტორიასთან და ძალიან ბევრი, ვინც ჩართული იყო ამ ჯგუფში, ახლა დამოუკიდებლად არის. სხვა არ ეთანხმება ამ ექსტრემალურ ძალოვან ნაბიჯებს. მინდა ვთქვა, რომ ამ ხალხისთვის ყველა კარი ღიაა. გუშინ ძალიან ნეგატიურად მომხვდა ყურში, აპელირება იმის, რომ პრემიერ-მინისტრმა არ შეასრულა დაპირება”, - განაცხადა ჯეჯელავამ.
მისი თქმით, ყველა პუნქტი, რომლის შესრულებასაც პრემიერ-მინისტრი სტუდენტებს დაპირდა მოგვარდა ან მოგვარების პროცესშია.
„სტუდენტების ამ ჯგუფს ვეუბნებით შემოგვიერთდით, ვიმუშაოთ. თუმცა გუშინ რა მოთხოვნებიც ქონდათ იყო ახალი და ეს მე მაწუხებს და მიუთითებს იმაზე, რომ ეს ხალხი დაინტერესებულია გზადაგზა შეცვალონ მოთხოვნები, რათა არ დასრულდეს პროცესი”, -განაცხადა ალექსანდრე ჯეჯელავამ.
