მიხეილ სააკაშვილის გადადგომა შესაძლოა უკავშირდებოდეს სურვილს, რომ უფრო აქტიურად იყოს ჩართული საქართველოში მიმდინარე პოლიტიკურ პროცესებში, მათშორის პარტიის საქმიანობაში, - განაცხადა პოლიტოლოგმა ნიკა ჩიტიძემ.
მისი თქმით, შესაძლოა, მიხეილ სააკაშვილის გადაწყვეტილება უკავშირდებოდეს მის სურვილს უფრო აქტიურად იყოს ჩართული უკრაინაში მიმდინარე პროცესებზე, რადგან ხშირად საუბრობენ უკრაინის პრეზიდენტსა და სააკაშვილს შორის უთანხმოებაზე.
"შესაძლებელია, ბატონმა სააკაშვილმა ოპოზიციაში გადაინაცვლოს და პოლიტიკური საქმიანობა განაგრძოს უკრაინაში. დრო გვიჩვენებს ქართულ თუ უკრაინულ ფრონტზე წარმართავს მიხეილ სააკაშვილი სავარაუდოდ თავის პოლიტიკურ საქმიანობას. არ არის გამორიცხული მესამე ვარიანტიც, რომ იგი კვლავ დაუბრუნდეს სამეცნიერო-პედაგოგიურ საქმიანობას. გადაინაცვლოს დასავლეთ ევროპის ქვეყანაში ან ამერიკაში, სადაც მას მჭიდრო კავშირები აქვს. დრო გვიჩვენებს რა არის პრიორიტეტი ბატონი მიხეილისთვის პოლიტიკური საქმიანობა, თუ პედაგოგიური საქმიანობა”, - განაცხადა ნიკა ჩიტიძემ 2030.news-თან საუბარში.
მიხეილ სააკაშვილმა ოდესის გუბერნატორის თანამდებობა დღეს დატოვა. მიხეილ სააკაშვილმა უკრაინის ხელისუფლება კორუფციაში დაადანაშაულა.
