საქართველოს კულტურის მინისტრი მიხეილ გიორგაძე მის სავარაუდო შემცვლელს, ია მაქაცარიას დადებითად ახასიათებს. გიორგაძე არც უარყოფს და არც ადასტურებს გავრცელებულ ინფორმაციას, რომლის მიხედვითაც, მისი თანამდებობა შესაძლოა, თბილისის კულტურის საქალაქოს სამსახურის ხელმძღვანელმა დაიკავოს.
,,სამთავრობო ცვლილებებთან დაკავშირებით პრემიერი გააკეთებს განცხადებას. მანამდე მე ვერაფერს ვერც დაგიდასტურებთ და ვერც უარვყოფ“, - აღნიშნა გიორგაძემ.
რაც შეეხება ია მაქაცარიას კანდიდატურას, გიორგაძემ აღნიშნა, რომ მას დაახასიათებს, როგორც ძალიან მაღალი დონის პროფესიონალს და ძალიან კარგ გუნდურ მოთამაშეს.