განათლების, მეცნიერებისა და კულტურის კომიტეტის თავმჯდომარის პოსტზე წარდგენილმა მარიამ ჯაშმა განაცხადა, რომ პირველ რიგში დაიწყებს ინტენსიურ კონსულტაციებს როგორც შესაბამის სამინისტროებთან, ასევე არასამთავრობო სექტორთან.
მისივე თქმით, როგორც განათლების, ასევე მეცნიერებისა და კულტურის სფეროში არაერთი მნიშვნელოვანი, ანალიტიკური დოკუმენტი უკვე არის მზად და პირველ რიგში მოხდება აღნიშნული რეკომენდაციების გაცნობა.
„აბსულუტურად ყველა დაინტერესებულ მხარესთან, სტუდენტებთან პროფესორ-მასწავლებლებთან, აკადემიურ წრეებთან, საზოგადო მოღვაწეებთან ძალიან აქტიური კონსულტაციების და დისკუსიების რეჟიმში ვაპირებ როგორც საკანონმდებლო ინიციატივების, ასევე ზოგადად, სტრატეგიული მიმართულების გარშემო მსჯელობას და შემდგომ შემუშავებას“, - განაცხადა მარიამ ჯაშმა.
