ყოფილი ,,რესპუბლიკელი“ დავით უსუფაშვილი არ გამორიცხავს, რომ ყოფილ პრემიერ ბიძინა ივანიშვილს "ოცნებისთვის" ოპოზიციის შექმნის სურვილი ჰქონდეს. თუმცა, "ტვ პირველის" ეთერში საუბრისას მან განაცხადა, რომ თავად ივანიშვილის გეგმის მიხედვით, არ ხედავს პოლიტიკურ ცხოვრებას.
"მე არათუ გამოვრიცხავ, თითქმის მჯერა, რომ მას ასეთი სურვილი აქვს, ოღონდ აქ არ ჩერდება მისი სურვილი. მას ალბათ აქვს სურვილი, რომ ოპოზიციას შექმნის, იმას კიდე ოპოზიცია შეუქმნას მომავლისთვის, ხომ კიდე საჭირო იქნება? და კიდე იმის იქით და კიდე იმის იქით და კიდე იმის იქით", - განაცხადა უსუფაშვილმა.
რაც შეეხება საქართველოს პრეზიდენტს. როგორც უსუფაშვილმა განაცხადა, პრეზიდენტის უმთავრესი ძალა და წონა სახელმწიფო სისტემაში, მისი პოლიტიკური ნეიტრალობაა:
"მე უნდა ვიყო ამ ქვეყნის დამაქცევარი, არასწორად მოაზროვნე, რომ ახლა მე მარგველაშვილს ველაპარაკო პოლიტიკური პარტიის შექმნაზე ", - განაცხადა უსუფაშვილმა "ტვ პირველის" პირდაპირ ეთერში.
