ახლა მაინც უნდა გამოვიტანოთ დასკვნები, რათა შემდგომ გადაჯგუფება და ბრძოლის ახალი ეტაპი უფრო გამართული პოზიციებიდან დავიწყოთ, - ამის შესახებ საქართველოს ყოფილმა პრეზიდენტმა, ოდესისი ოლქის გუბერნატორმა, მიხეილ სააკაშვილმა “ფეისბუქის“ გვერდზე დაწერა.
როგორც მიხეილ სააკაშვილი წერს, არამართებულია „ნაციონალური მოძრაობის“ ზოგიერთი წარმომადგენლის მხრიდან „ბიძინა ივანიშვილის მიერ დახატული ციფრის 49%-ის უკრიტიკოდ გამეორება".
„ჩემი აზრით არამართებულია ზოგიერთი ჩვენი წარმომადგენლის მხრიდან, ივანიშვილის მიერ "დახატული" ციფრის 49%-ის უკრიტიკოდ გამეორება. სინამდვილეში ყველამ კარგად იცის, რომ მიახლოებითაც კი არანაირი 49% არ ყოფილა და ამ ჰაერიდან მოტანილი პროცენტის გამეორებით, ივანიშვილს ამოცანას ჩვენდაუნებურად ვუადვილებთ. არჩევნები გააყალბეს საქართველოს უახლესი ისტორიისთვის, უპრეცედენტო მასშტაბით და თუ ეგრევე ვერ შევძელით სათანადო რეაგირება, ახლა მაინც უნდა გამოვიტანოთ დასკვნები, რათა შემდგომ გადაჯგუფება და ბრძოლის ახალი ეტაპი უფრო გამართული პოზიციებიდან დავიწყოთ”, - განაცხადა მიხეილ სააკაშვილმა.