ჩვენი არჩევნების შედეგები ჯამში იყო მძიმე პროპაგანდის პროცესი, ვიდრე ამომრჩევლის ნების ბუნებრივი გადმოცემა, - აცხადებს პოლიტოლოგი არჩილ გამზარდია და მიიჩნევს, რომ არაფერი საერთო დღევანდელ შედეგებს ამომრჩევლის ნებასთან საერთო არა აქვს - არც „ქართული ოცნების“ შედეგი და არც „ნაციონალური მოძრაობის“ შედეგი, მით უმეტეს, სხვების.
„შეიძლება „ნაციონალური მოძრაობის“ შედეგს კიდევ უფრო შედარებით ჰქონდეს საერთო თავისი აქტივისტების და მომხრეების ნებასთან, მაგრამ არა მთლიანად ამომრჩევლის და არა სახელისუფლებო ნაწილს“, - ამბობს გამზარდია და აღნიშნავს, რომ როდესაც საუბარია დემოკრატიულ არჩევნებზე, საუბარი უნდა ეხებოდეს არაიმას, რომელიმე უბნის კოორდინატორი როგორ იქცეოდა ან ცესკოს საუბნო თუ საოლქო კომისიის წევრები, ან დათვლა რამდენად სწორად მიდის, არამედ, „უპირველეასდ, უნდა მივიღოთ და დავითვალოთ ადამიანთა ნება... ამიტომ... უნდა ყოფილიყო გარემო, რომ ვისაც უნდოდა თავისუფალი დემოკრატები, მის მოსვლაზე ეზრუნა ამომრჩეველს, ვისაც უნდოდა ბურჯანაძე - შესაბამისად მასზე ყოფილიყო ორიენტირებული თავის ამომრჩეველი და ა.შ.“, - ამბობს პოლიტილოგი.
მისივე თქმით, ამომრჩევლის ცნობიერებაზე ზეწოლა არჩევანის მოდიფიცირების მიზნით და ამომრჩევლის ლანძღვა, რას ჰქვია ჩემთვის სასურველს როგორ არ მიეცი ხმაო - ეს არ არის დემოკრატიული პროცესი.
