"ქართული ოცნების" აღმასრულებელი მდივნის ირაკლი კობახიძის განცხადებით, მიხეილ სააკაშვილმა და შესაბამისად მისმა კომენტარებმა უკვე დაკარგა აქტუალობა ქართულ პოლიტიკაში. ,,ეს არის დღევანდელი რეალობა. შესაბამისად, ამ საკითხთან დაკავშირებით სერიოზულ კომენტარებს ვერ გავაკეთებ", - განაცხადა კობახიძემ.
მისი შეფასებით, 2016 წლის საპარლამენტო არჩევნებმა მშვიდ და სამართლიან გარემოში ჩაიარა.
,,არჩევნებმა ჩაიარა აბსოლუტურად თავისუფალ, სამართლიან, მშვიდობიან გარემოში. ესაა ის მიღწევა, რომელიც საქართველოში "ქართული ოცნების" ხელისუფლებამ მოიტანა. ყოველგვარი კითხვის ნიშნის დასმა არჩევნებთან დაკავშირებით, არასწორი და სპეკულაციაა", - განაცხადა კობახიძემ.
ოდესის გუბერნატორი მიხეილ სააკაშვილი აცხადებს, რომ საქართველოში საპარლამენტო არჩევნებმა მრავალი დარღვევისა და ზეწოლის ფონზე ჩაიარა.
