,,ნაციონალური მოძრაობის“ წევრი გიორგი კანდელაკი მიიჩნევს, რომ ხალხის მხარდაჭერის მხრივ, ,,ქართული ოცნება“ დღეს არის ბევრად უფრო სუსტი, ვიდრე იყო 2012 წელს.
,,მიუხედავად იმისა, რომ ქართულმა ოცნებამ მათემატიკურად გაიუმჯობესა მდგომარეობა პარლამენტში, რეალური ლეგიტიმაციის, რეალური ხალხის მხარდაჭერის მხრივ, ქართული ოცნება დღეს არის ბევრად უფრო სუსტი, ვიდრე იყო 2012 წელს. სწორედ ეს გვაძლევს ჩვენ იმის საშუალებას, რომ უკომპრომისო, პოლიტიკური ბრძოლა გავუმართოთ ქართულ ოცნებას, ვიმუშაოთ მუხლჩაუხრელად, ყოველდღე და ყოველ საათს იმისათვის, რომ მოვიპოვოთ იმ ადამიანების ნდობა, რომლებიც ან სახლში დარჩნენ ამ არჩევნებზე, ან სხვა პარტიებს დაუჭირეს მხარი პირველ ტურში და მეორე ტურზე არ მოვიდნენ, ან თუნდაც იმ ადამიანების ნდობა, რომლებმაც ბოლო მომენტში ჩათვალეს, რომ მაინც ქართული ოცნებისთვის დაეჭირათ მხარი.
ყველაფერს გავაკეთებთ იმისთვის, რომ დავიმსახუროთ ამ ხალხის ნდობა და შემდეგ არჩევნებზე უკანონო მეთოდები და ზღვარგადასული უსამართლობაც არ იყოს საკმარისი იმისათვის, რომ ბიძინა ივანიშვილმა შეინარჩუნოს ხელისუფლება», - განაცხადა კანდელაკმა გადაცემაში "თეორემა".
