ამერიკის შეერთებული შტატების ელჩი საქართველოში იან კელი ქართველ ხალხს არჩევნების ორივე რაუნდის წარმატებით დასრულებას ულოცავს.
„მსურს, მივულოცო ქართველ ხალხს არჩევნების ორი რაუნდის წარმატებით დასრულება. ჩვენ სრულად ვიზიარებთ, რაც საერთაშორისო დამკვირვებლებმა განაცხადეს არჩევნებთან დაკავშირებით, რომ არჩევნები იყო კარგად ადმინისტრირებული, კონკურენტული და ზოგადად გამოხატავს ქართველი ხალხის ნებას”, - განაცხადა იან კელიმ.
მისი თქმით, არჩევნებმა კიდევ ერთხელ აჩვენა, რომ საქართველო არის ლიდერი დემოკრატიული განვითარების მხრივ, უზრუნველყოფილი იყო კონკურენცია, წარმოდგენილი იყო სხვდასხვა მოსაზრებები და ქართველო ამომრჩევლებს ჰქონდათ თავისუფალი არჩევანის გაკეთების შანსი.
„როგორც სადამკვირვებლო მისიამ აღნიშნა, ჩვენ შეშფოთებულები ვართ გარკვეულ საკითხებთან დაკავშირებით. ჩვენი შეშფოთება უკავშირდება ძალადობისა და დაშინების ინციდენტებს. ჩვენ ველოდებით, რომ ეს ინციდენტები იქნება გამოძიებული თავისუფალი და დაბალანსებული სამართლებრივი გზით. ჩვენ მოვუწოდებთ საქართველოს პარლამენტს, იმოქმედოს კონსესუსების გზით, ქართველი ამომრჩევლების მნიშვნელოვანმა ნაწილმა ოპოზიციას დაუჭირა მხარი და ვფიქრობ, მნიშვნელოვანია, რომ ყველა პარტიამ ერთად იმუშაოს საერთო მიზნებისთვის, რაც არის დემოკრატიის განვითარება, სამუშაო ადგილების შექმნა და ევროატლანტიკურ საზოგადოებაში ინტეგრაცია”, - განაცხადა იან კელიმ.
მისი თქმით, აშშ მზად არის იმუშაოს საქართველოს საზოგადოებისა და პოლიტიკური სისტემის ყველა ელემენტთან ამ მიზნების მისაღწევად.
