ელენე ხოშტარიას ბრალდებებს პასუხობს ვაკის ოლქში მისი კონკურენტი ,,ქრთული ოცნებიდან“. ბიძინა გეგიძის განცხადებით, ელენე ხოშტარიას განცხადებები სიმართლეს არ შეესაბამება.
„ეჭვი მეპარება, რომ ხალხს სჭირდებოდეს აგიტაცია, რათა მიიღოს გადაწყვეტილება, ვის მისცეს ხმა, მით უმეტეს მეორე ტურია. პირველმა ტურმა გვაჩვენა, რომ ხალხს ამის აგიტაცია არ სჭირდებოდა, მით უმეტეს ვაკეში, შედეგებიდან გამომდინარე,“- განაცხადა ბიძინა გეგიძემ.
,ნაციონალური მოძრაობის“ ვაკის მაჟორიტარი დეპუტატობის კანდიდატის, ელენე ხოშტარიას თქმით, წყნეთში, გარკვეულ უბნებზე საარჩევნო პროცესი დარღვევებით მიმდინარეობს. მისი ინფორმაციით, ადგილი აქვს როგორც ადმინისტრაციული რესურსის გამოყენებას, ასევე საარჩევნო უბნებზე აგიტაცია-პროპაგანდას.
ელენე ხოშტარიას განცხადებით, ,,ქართული ოცნების“ წარმომადგენლები ამომრჩეველს მოუწოდებენ, 41 ნომერი შემოხაზონ.
