მარნეულის №36 ოლქში, პარტია „ქართული ოცნების“ მაჟორიტარობის კანდიდატი თამაზ ნავერიანი ამომრჩევლის მოსყიდვასთან დაკავშირებით გავრცელებულ ინფორმაციას უარყოფს. მარნეულში დარღვევებზე ”ნაციონალური მოძრაობის” მაჟორიტარი დეპუტატობის კანდიდატმა ახმედ იმამკულიევმა ისაუბრა.
თამაზ ნავერიანმა ჟურნალისტებს მარნეულში, 85-ე უბანზე ხმის მიცემის შემდეგ განუცხადა, რომ არჩევნები მშვიდ და დემოკრატიულ გარემოში მიმდინარეობს.
”მოლოდინი არის ძალიან კარგი. არჩევნები მიმდინარეობს დემოკრატიულ ვითარებაში. გვაქვს სურვილი, რომ ასე მშვიდად ჩატარდეს არჩევნები. არანაირი
მოსყიდვა არ ხდება ამომრჩევლის და არც რაიმე დარღვევაზე გვაქვს ინფორმაცია”, -განაცხადა ნავერიანმა.
