ვაკის რაიონის გამგებელი, ნოდარ ტურძელაძე წყნეთის მოსახლეობას შეხვდა და მაცხოვრებლების პრობლემებს გაეცნო. როგორც გამგებელმა შეხვედრაზე განაცხადა, წყნეთში სხვადასხვა პროექტების განხორციელებაა დაგეგმილი. მიმდინარეობს სკვერების, გზების რეაბილიტაცია, ოქტომბერში ვაკის გამგეობის მიერ წყნეთში ახალი ბაღის მშენებლობაც დაიწყება. ამ დროისთვის თბილისის მერიის კეთილმოწყობის საქალაქო სამსახურმა წყნეთში - თბილისის, არსენას, ტაბიძის და კოსტავას ქუჩებზე გზის კაპიტალური რეაბილიტაციის სამუშაოები დაასრულა. სამუშაოები ინტენსიურად მიმდინარეობს სააკაზის ქუჩაზეც. რეაბილიტაცია 2-3 დღეში დასრულდება. ასევე დაგეგმილია თამარ მეფის ქუჩის რეაბილიტაცია.
აღნიშნულ ქუჩებზე სრულად მოხდა ასფალტ-ბეტონის საფარის, ფეხითმოსიარულეთა სავალი ნაწილისა და ბორდიურების რეაბილიტაცია.
