ვაკის რაიონის გამგებელი, ნოდარ ტურძელაძე ვაჟა-ფშაველას მე-7 კვარტლის მოსახლეობას შეხვდა და ინფრასტრუქტურული პროექტები გააცნო. მე-7 კვარტლის II, III, IV და VI კორპუსების მიმდებარე ტერიტორიაზე ჩატარდა 3 სპორტული მოედნის სრული რეაბილიტაცია. აღნიშნულ მისამართზე კორპუსებს შორის ასევე დასრულდა საგზაო სამუშაოები. საერთო ჯამში, ტერიტორიაზე 6 000 კვ.მ ასფალტის საფარი დაიგო.
„ვაკის რაიონის გამგეობა განაგრძობს ინფრასტრუქტურული სამუშაოების წარმოებას. კონკრეტულ შემთხვევაში, ვაჟა-ფშაველას მე-7 კვარტალში, დაახლოებით, 300-ზე მეტი ოჯახისთვის მოწესრიგდა 3 სტადიონი, ასევე, დაახლოებით, 6 000-მდე კვ. მ ასფალტის საფარი დაიგო. ამ ტერიტორიაზე გადაადგილების პრობლემა იყო, ასევე მოსახლეობას სარდაფებში ჩადიოდა წყალი. ეს სერიოზული პრობლემა დღეისთვის უკვე მოგვარებულია და მაცხოვრებლები უფრო კომფორტულ გარემოში ცხოვრობენ“, - განაცხადა ვაკის რაიონის გამგებელმა, ნოდარ ტურძელაძემ.
ვაკის რაიონის გამგეობის ინფრასტრუქტურული პროექტების ფარგლებში, მიმდინარე წელს რაიონში 23 ახალი სპორტული მოედანი მოეწყო, ამჟამად სრულდება 5 სტადიონის რეაბილიტაცია.