ფსიქოტროპული აფთიაქის გახსნის ნებართვას ვერ მიიღებს იურიდიული ან ფიზიკური პირი, რომელიც გარკვეულ კრიტერიუმებს ვერ აკმაყოფილებს, კერძოდ ნასამართლევია, ან სახელმწიფო ბიუჯეტის მიმართ დავალიანება აქვს, ვერ მიიღეს ფნებართვას. ამის შესახებ დღეს საქართველოს მტავროიბის სხდომაზე იმსჯელეს.
მთავრობის გადაწყვეტილებით, ჯანდაცვის სამინისტროში შეიქმნა ფარმაცევტების რეესტრი. იმ შემთხვევაში, თუ მონიტორინგის შედეგად ფარმცევტის მხრიდან გამოვლენილი იქნება ფსიქოტროპული პრეპარატების კანონსაწინააღდეგო გაყიდვა, პირველ დარღვევაზე მას სამი წლით აეკრძალება პროფესიული საქმიანობა.
შრომის, ჯანდაცვისა და სოციალური დაცვის მინისტრის დავით სერგეენკოს თქმით, აღნიშნული რეგულაციები სააფთიაქო ნარკომანიის ტაბლეტირებული ფორმების წინააღმდეგ ბრძოლისათვის გადადგული მნიშვნელოვანი ნაბიჯია.
„გარკვეული რეფორმების შედეგად, სააფთიაქო ნარკომანიას, მის ინტრავენულ ნაწილს, ე.წ კრაკადილს, ჯეფს და ვინტს სერიოზული დარტყმა მიადგა, შემთხვევები შემცირებულია 95%-ით, თუმცა არა სისტემურ, არამედ ერთეულ პრობლემად რჩება ტაბლეტირებული ფორმების არამიზნობრივად გამოყენება და რიგი აფთიაქების მიერ არაკანონიერი გაცემა. მიუხედავად იმისა, რომ კანონი ცალსახად ამბობს, ასეთი ტიპის მედიკამენტები, უნდა გასცეს ფარმაცევტმა, არ ხდებოდა ამ კანონის დაცვა და არსებული ადმინისტრაციული ინსტრუმენტები მოიაზრებდა მხოლოდ ჯარიმებს, რომელსაც ნაწილობრივ იხდიდნენ აფთიაქები, ან არ იხდიდნენ და იმავე მისამართზე, დაუყოვნებლივ აფუძნებდნენ ახალ შპს-ს და ამ მიმართულებით, პრაქტიკულად, არანაირი შეზღუდვა არ იყო. ამ ტენდენციამ მიიღო საგანგაშო მიმდინარეობა“.- განაცხადა დავით სერგეენკომ.
მისივე ინფორმაციით, 10 აგვისტოდან, ორი კვირის განმავლობაში, ფსიქოტროპული აფთიაქების ძალიან ინტენსიური მონიტორიგნი იწყება.
