ყველა შემთხვევაში ხდება თაღლითობის გამოვლენა და დაუსჯელი არავინ დარჩება, - ამის შესახებ თბილისის მერმა დავით ნარმანიამ დღეს ჟურნალისტის მიერ დასმულ კითხვაზე განაცხადა, რომელიც მისი მერობის პერიოდში ათამდე ადამიანისთვის კორუფციის ბრალდებას ეხება.
„ეს არის იმ ეფექტური მუშაობის შედეგი, რომ ყველა შემთხვევაში ხდება გამოვლენა. თბილისის მერიის სისტემა არის უზარმაზარი, 25 000-ზე მეტი ადამიანი მუშაობს, შესაბამისად, იმ რამდენიმე ადამიანს, რომელსაც ხელი წაუცდა და დაარღვია კანონი, არასწორად მოიქცა, სამართალდამცავი ორგანოების მიერ გატარდა შესაბამისი რეაგირება. რაც არ უნდა ფაქტი იყოს, რეაგირების და დასჯის გარეშე არავინ არ დარჩება“, - განაცხადა დავით ნარმანიამ.